Palitviazień Mikita Jemialjanaŭ znoŭ u karcary. Na hety raz — 30 sutak zapar
Stała viadoma, što palitźniavolenaha aktyvista anarchičnaha ruchu Mikitu Jemialjanava z 4 maja administracyja mahiloŭskaj turmy ŭtrymlivaje ŭ karcary. Siońnia jaho čarhovy raz pakarali «sutkami» ŭ karcary.
Za tydzień da čarhovaha spahnańnia jon vyjšaŭ z karcara paśla 46 sutak zapar. Mikitu karajuć za admovu prybirać dvoryk padčas prahułki, paviedamlaje «Viasna».
Sa žniŭnia 2021 hoda Mikitu Jemialjanava źmiaščali ŭ karcar abo ŠIZA ahułam na 233 sutak — heta amal siem miesiacaŭ u niečałaviečych umovach biez paścielnaj bializny i štodzionnaha špacyru.
Ciapier chłopiec čakaje razhladu apielacyjnaj skarhi. Da 8 červienia vy možacie padtrymać jaho hrašovym pieravodam i banderolami, bo paśla etapu ŭ kałoniju heta zmohuć rabić tolki svajaki.
Padtrymajcie palitviaźnia: Turma №4, 212011, h. Mahiloŭ, vuł. Krupskaj, 99A