Pryjedzie ministr zamiežnych spravaŭ Słavakii
6‑7 vieraśnia adbudziecca rabočy vizit u Minsk ministra zamiežnych spravaŭ Słavakii Mirasłava Łajčaka.
6‑7 vieraśnia adbudziecca rabočy vizit u Minsk ministra zamiežnych spravaŭ Słavakii Mirasłava Łajčaka. Razam ź im taksama ŭ Biełaruś pryjeduć pradstaŭniki słavackich dziełavych kołaŭ.
Ciaham vizitu pavinny abmiarkoŭvacca pytańni ŭ handlova‑ekanamičnych i inviestycyjnych śfierach, a taksama ŭzajemadziejańnie Biełarusi ź Jeŭrasajuzam. 7 vieraśnia adbudziecca biełaruska‑słavacki dziełavy forum, dzie budzie prysutničać kiraŭnictva Ministerstva ekanomiki RB.
Taksama ŭ hety dzień zapłanavanaje adkryćcio ŭ Nacyjanalnym muziei vystavy słavackich mastakoŭ‑prymityvistaŭ ź Sierbii. A 12:05 budzie padychod da presy Mirasłava Łajčaka i jahonaha biełaruskaha kalehi Siarhieja Martynava.