Pucin źviarnuŭsia ź listom da palakaŭ
Pierad svaim histaryčnym vizitam u Varšavu kiraŭnik rasijskaha ŭradu apublikavaŭ artykuł u libieralnaj «Gazecie wyborczej».
Pierad svaim histaryčnym vizitam u Varšavu kiraŭnik rasijskaha ŭradu Uładzimir Pucin apublikavaŭ u libieralnaj «Gazecie wyborczej» artykuł, jaki polskija žurnalisty ŭžo paśpieli achryścić «Listom da palakaŭ».
U svaim artykule Pucin pryznaje, što pakt Mołatava‑Rybientropa nasiŭ supiarečlivy charaktar. Jon taksama vykazvaje spadziavańnie, što katynskaja trahiedyja, taksama jak trahiedyja čyrvonaarmiejcaŭ, što zahinuli ŭ polskim pałonie ŭ 1920‑ia, stanie «pradmietam supolnaha smutku».
Zaviaršajecca artykuł nadziejami na ŭmacavańnie dobrych rasijska‑polskich adnosinaŭ i supolnaje budavańnie «stasunkaŭ, hodnych dvuch vialikich jeŭrapiejskich narodaŭ».