Ukraina i Rasija abmianialisia pałonnymi
Z ukrainskaha boku dadomu viarnulisia 14 čałaviek, paviedamiła ŭ svaim telehram-kanale vice-premjer-ministr pa pytańniach reintehracyi časova akupavanych terytoryj Iryna Vieraščuk.
Iryna Vieraščuk
«Siońnia abmianiali pałonnych. Viartajem dadomu 14 našych ludziej: 7 vajskoŭcaŭ i 7 cyvilnych. Dla mianie hety abmien asablivy: adna z vajskoŭcaŭ-žančyn na piatym miesiacy ciažarnaści. Chaj Boh bieraže!» — napisała ministarka.
Papiaredni abmien pałonnymi prajšoŭ 21 krasavika, tady va Ukrainu viarnulisia 19 čałaviek: dziesiać ź ich vajskoŭcy, a dzieviać — cyvilnyja. Siarod ich byli paranienyja.
Rasija tradycyjna infarmacyi ab abmienach nie padaje.