Pravaabaroncy pryznali palitviaźniami Alaksandra Fiadutu, Alaksieja Chrałoviča i jašče šeść čałaviek
Biełaruskija pravaabaroncy pryznali palitviaźniami vosiem čałaviek. Siarod ich — viadomy palitołah Alaksandr Fiaduta, a taksama były padpałkoŭnik KDB Alaksiej Chrałovič.
Alaksiej Chrałovič
Alaksandr Fiaduta byŭ zatrymany hod tamu, 12 krasavika 2021 hoda. Razam z Ryhoram Kastusiovym, Juryjem Ziankovičam i Volhaj Hałubovič ich abvinavačvajuć u zmovie z metaj zachopu ŭłady niekanstytucyjnym šlacham (častka 1 artykuła 357 KK).
Alaksiej Chrałovič — były padpałkoŭnik KDB, asudžany na 10 hadoŭ kałonii ŭzmocnienaha režymu. Jaho sudzili «za dziaržaŭnuju zdradu» — pieradaču zapisaŭ telefonnych razmoŭ, jakija tyčylisia hibieli Ramana Bandarenki i pralili śviatło na abstaviny złačynstva.
Palitviaźniami taksama pryznanyja Uładzimir Hundar, Pavieł Kučynski, Jaŭhien Klimaŭ, Siarhiej Saniuta, Śviatasłaŭ Šubič, Aleh Ničyporka.
Usiaho kolkaść ludziej aficyjna pryznanych palitviaźniami dasiahnuła 1135 čałaviek.