U Biełarusi pavialičać adpusknyja ceny na cukar
Pra pavyšeńnie adpusknych cenaŭ na cukar paviedamiŭ staršynia kancerna «Biełdziaržcharčpram» Aleh Žydkoŭ.
«Siońnia my vymušanyja prymać miery dla abarony ŭnutranaha rynku i pavysić adpuskny košt pradukcyi na 60 kapiejek za 1 kh», — skazaŭ staršynia kancerna «Biełdziaržcharčpram» Aleh Žydkoŭ.
Pa jaho słovach, heta «previentyŭnaja miera z ulikam kanjunktury rynku, jakaja skłałasia».
Bo «na fonie dvuchrazovaha cenavaha razryvu z Rasijskaj Fiederacyjaj ekśpierty prahnazujuć mahčymaść masavaha vyvazu cukru za miežy Biełarusi».
«Asnoŭnaja zadača kancerna — zabiaśpiečyć praduktami charčavańnia ŭ pieršuju čarhu ŭnutrany rynak.
Siońnia my adznačajem značny rost popytu na cukar: kali ŭ studzieni—sakaviku 2021 hoda na dušu nasielnictva pradavałasia 1—1,5 pačka cukru ŭ miesiac, to ŭ sakaviku hetaha hoda na adnaho čałavieka z palic kramy sychodziła paradku ŭžo 3 kh cukru.
I heta my biarem u raźlik nie tolki darosłaje nasielnictva, ale i dziaciej samaha rańniaha ŭzrostu, — adznačyŭ Žydkoŭ. — Zrazumieła, što adzin čałaviek nie moža spažyvać cukar u takich abjomach».