Śpiecrejs ź Biełarusi ŭ Turkmienistan viarnuŭsia nazad u aeraport «Minsk»
Śpiecrejs Minsk-Turkmienbanšy ździejśniŭ ekstrannuju pasadku ŭ biełaruskim aeraporcie praz hadzinu paśla ŭźlotu. Pra heta śviedčać dadzienyja Flightradar, piša Zerkalo.io.
Avijakampanija «Turkmienistan» pa daručeńni ŭrada krainy 8 krasavika płanavała vykanać śpiecrejs dla vyvazu turkmienskich hramadzian ź Biełarusi na radzimu, pisaŭ Turkmenportal.
Samalot Boeing 737-800 vylecieŭ ź Minska z hadzinnym spaźnieńniem, u 19.39 pa minskim časie, paviedamlajecca na elektronnym tabło aeraporta. Miarkujučy pa dadzienych Flightradar, bort raźviarnuŭsia nad Lepielem i viarnuŭsia ŭ Nacyjanalny aeraport «Minsk».
U aficyjnych krynicach incydent nie kamientavali. Tielehram-kanał «MotolkoPomohi» sa spasyłkaj na servis pa adsočvańni avijacyjnaj abstanoŭki paviedamlaje, što ŭ borta adlustroŭvajecca avaryjny kod.