Łabavoje sutyknieńnie mašyn adbyłosia ŭ Uździenskim rajonie, adzin čałaviek zahinuŭ
Siońnia dniom kala vioski Karpiłaŭka Uździenskaha rajona adbyłosia łabavoje sutyknieńnie sa śmiarotnym zychodam, paviedamlaje pres-słužba Śledčaha kamiteta.
Fota: t.me/skgovby
54-hadovy kiroŭca Skoda ruchaŭsia pa darozie «Minsk — Mikaševičy» i vyjechaŭ na sustrečnuju pałasu, dzie sutyknuŭsia łob u łob z Kia pad kiravańniem 64-hadovaha kiroŭcy. Apošni pamior na miescy.
Kiroŭca i dva pasažyry aŭtamabila Skoda atrymali traŭmy roznaj stupieni ciažkaści, adzin z pasažyraŭ ciapier u balnicy. Na miescy pracujuć śledčyja, pryznačanaje praviadzieńnie ekśpiertyz, dapytvajuć śviedak.
Uździenski rajonny adździeł Śledčaha kamiteta raspačaŭ kryminalnuju spravu pa č. 2 art. 317 Kryminalnaha kodeksa ab parušeńni PDR kiroŭcam, jakoje paciahnuła pa nieaściarožnaści śmierć čałavieka.