Žycharku Babrujska aštrafavali na 2240 rubloŭ za ŭkrainskuju stužku ŭ vałasach
Sud u Babrujsku vynies rašeńnie pa administracyjnaj spravie nastaŭnicy historyi siaredniaj škoły № 27 Łarysy Siekieržyckaj, jakaja abvinavačvałasia ŭ parušeńni paradku arhanizacyi abo praviadzieńnia masavaha mierapryjemstva, paviedamlaje «Viasna».
Jaje zatrymali 4 sakavika naŭprost u škole. Padstava — u jaje pryčoscy prysutničała žoŭta-siniaja stužka.
Sud pastanaviŭ, što stužki ŭ vałasy nastaŭnica paviazała nie dla pryhažości, a dla «vykazvańnia svajho hramadska-palityčnaha nastroju ŭ suviazi z tym, što adbyvajecca va Ukrainie».
Hetym samym piedahoh «sprabavała pryciahnuć da siabie ŭvahu hramadzian» i «pryniała aktyŭny ŭdzieł u praviadzieńni masavaha mierapryjemstva ŭ vyhladzie pikietavańnia».
Jak vynik — štraf u 70 bazavych vieličyniaŭ (2240 rubloŭ).