Ukraina prosić Polšču, Litvu, Łatviju i Estoniju zakryć miežy ź Biełaruśsiu
Ułady Ukrainy i Polščy pravodziać pieramovy pa pytańni zakryćcia polska-biełaruskaj miažy. Pra heta pasoł Ukrainy ŭ Polščy Andrej Dziaščyca raspavioŭ padčas Ukrainskaha nacyjanalnaha telemarafona.
«My pravodzim pieramovy ź Ministerstvam infrastruktury Polščy, z uradam Polščy z metaj, kab usio ž byli całkam zakrytyja miežy. Navat kali rašeńnie nie budzie pryniataje na ŭzroŭni ES», — paviedamiŭ Dziaščyca.
Akramia taho, pa słovach dypłamata, Ukraina źviarnułasia da Litvy, Łatvii i Estonii z anałahičnaj prośbaj — ab zakryćci miežaŭ z Rasijaj i Biełaruśsiu.
«Ja dumaju, što hetaje rašeńnie budzie pryniataje. Tady nie pryjdziecca čakać ES, i my zabłakujem całkam lubyja dastaŭki ŭ Rasiju», — patłumačyŭ pasoł.
25 sakavika ministerstva infrastruktury Ukrainy paviedamiła ab adpraŭcy zvarotu ŭ Jeŭrakamisiju z prośbaj zabłakavać suchaputnyja i marskija transpartnyja znosiny z Rasijaj i Biełaruśsiu. Heta dało b mahčymaść pierapynić pastaŭki ŭ Rasiju tavaraŭ dvajnoha pryznačeńnia, jakija mahli b być vykarystanyja ŭ vajennych metach, zajaviła ministerstva.