Dvuch administrataraŭ telehram-kanała «Pietrykaŭ 97%» asudzili na try i piać hadoŭ kałonii
U Homielskim abłasnym sudzie 25 sakavika razhledzieli kryminalnyja spravy suprać dvuch administrataraŭ telehram-kanała «Pietrykaŭ 97%», paviedamlajuć pravaabaroncy.
Viktar Biedryj. Fota: spring96.org
42-hadovaha žychara Pietrykava Viktara Biedryja i 25-hadovaha majstra Jaŭhiena Klimava pryznali vinavatymi ŭ kiraŭnictvie ekstremisckim farmavańniem — telehram-kanałam «Pietrykaŭ 97%» (č. 1 art. 361-1 Kryminalnaha kodeksa). Akramia hetaha, Jaŭhiena pryznali vinavatym u raspalvańni sacyjalnaj varožaści za repost paviedamleńnia pra AMAP z telehram-kanała «Nexta».
Sudździa Rusłan Caruk asudziŭ Viktara i Jaŭhiena da troch i piaci hadoŭ kałonii va ŭmovach uzmocnienaha režymu adpaviedna. U SIZA da suda Klimaŭ utrymlivaŭsia try miesiacy, a Biedryja ŭziali pad vartu ŭ zale suda.