Śpikier Rady dapuściŭ źmianieńnie Kanstytucyi Ukrainy adnosna NATA
Kiraŭnik Viarchoŭnaj Rady Ukrainy Rusłan Stefančuk na fonie pieramovaŭ z Rasijaj dapuściŭ mahčymaść źmieny Kanstytucyi Ukrainy ŭ pytańniach jeŭraatłantyčnaj intehracyi.
«Pakolki šlach da jeŭraatłantyčnaj intehracyi prapisany ŭ Kanstytucyi Ukrainy, my majem vielmi vysoki ŭzrovień lehitymacyi hetaha kirunku. Tamu my budziem hladzieć, da jakoha šlachu buduć iści pieramoŭcy, i tady ŭžo adšukvać tuju madel, jakaja albo nie budzie supiarečyć Kanstytucyi, albo budziem źmianiać Kanstytucyju ŭ hetaj častcy», — skazaŭ kiraŭnik Rady.
Jon padkreśliŭ, što dla Ukrainy važna toje, kab «pa vynikach hetych damoŭlenaściaŭ pierš za ŭsio my adnavili biaśpieku i atrymali harantyi biaśpieki funkcyjanavańnia našaj dziaržavy».