Vice-mer Maryupala: Pad rasijskimi abstrełami zahinuli jak minimum 1200 mirnych žycharoŭ
Pa słovach namieśnika mera horada Siarhieja Arłova, sapraŭdnaja kolkaść zahinułych moža być «u try ci čatyry razy bolšaj».
«Ličby sapraŭdy žudasnyja. Učora my paćvierdzili 1207 achviar… zabitych u vyniku abstrełaŭ», — skazaŭ Arłoŭ Si-En-En.
Maryupal — adna z najbolš paciarpiełych častak Ukrainy, dzie z-za niaspynnych rasijskich bambardzirovak byli adklučanyja voda- i elektrazabieśpiačeńnie. Z-za bambiožak niemahčyma padličyć sapraŭdnuju kolkaść achviar. Pa słovach Arłova, zahinułych buduć chavać u brackich mahiłach, kab prybrać trupy z vulic.
Niahledziačy na damoŭlenaść pra spynieńnie ahniu dla evakuacyi mirnaha nasielnictva, abstreły praciahvajucca.
Siońnia ŭ Maryupali abstralali radzilniu i dziciačuju balnicu.