Bijatłanistki Hanna Soła i Dzinara Alimbiekava vyrašyli nie ŭdzielničać u Kubku i čempijanacie Rasii
Hanna Soła paviedamiła, što dla jaje bijatłonny siezon skončany, i jana nie budzie ŭdzielničać ŭ sakaviku i pačatku krasavika ŭ Kubku i čempijanacie Rasii.
Hanna Soła. Fota: NAK Biełarusi
Raniej takoje ž rašeńnie pryniała Dzinara Alimbiekava, piša «Priessboł».
Biełaruskija bijatłanistki byli zaprošanyja va Ufu i Ciumień na starty Kubka i čempijanatu Rasii.
Nahadajem, mižnarodny bijatłonny sajuz (IBU) nakłaŭ abmiežavańni na rasijskich i biełaruskich spartoŭcaŭ paśla taho, jak rasijskija vojski ŭvarvalisia va Ukrainu, i jany nie biaruć udziełu ŭ troch etapach Kubka śvietu pa bijatłonie ŭ hetym siezonie. U Rasii vyrašyli pravieści čempijanat i Kubak Rasii.