Uładzimir Zialenski vystupiŭ z novym zvarotam da nacyi
Zialenski zajaviŭ, što straty rasiejskich vajskoŭcaŭ nabližajucca da 10 tysiač čałaviek.
«Heta vielmi strašna. 10 tysiač čałaviek. Heta chłopcy, 18 — 20 hadoŭ. Vielmi maładyja, amal dzieci. Sałdaty, jakim nie zmahli patłumačyć, čamu jany iduć vajavać, za što i čamu jany iduć na čužoj ziamli», — skazaŭ Zialenski.
Zialenski pierakanany ŭ pieramozie.
«Tamu što niemahčyma vyjhrać u ludziej, jakija biez zbroi ŭ rukach spyniajuć vajskovuju techniku».
Zialenski taksama vykazaŭ upeŭnienaść, što ŭciekačy chutka zmohuć viarnucca ŭ svaje damy.
Prezident Ukrainy padziakavaŭ sumiežnym z Ukrainaj jeŭrapiejskim dziaržavam za dapamohu.
«U nas faktyčna niama miažy ź siabroŭskaj nam Polščaj», — asabliva adznačyŭ Uładzimir Zialenski.
Nakont pieramovaŭ z Rasijaj Zialenski byŭ aściarožny: «Pabačym, ci možna pajści dalej».