«Vajna z Ukrainaj — krok u niebyćcio». Bolš za 600 rasijskich navukoŭcaŭ zaklikali Rasiju spynicca
Adkryty list daśledčykaŭ publikuje francuzskaje vydańnie Le Monde.
Fota: depositphotos.com.
664 rasijskija daśledčyki i navukoŭcy vystupili z zaklikam nieadkładna spynić usie vajennyja dziejańni ŭ bok Ukrainy. Padpisanty lista ŭskładajuć na Rasiju ŭsiu adkaznaść za pačatak kanflikta. Zhodna ź imi, takimi dziejańniami Rasija asudziła siabie na izalacyju na suśvietnaj arenie i na los krainy-vyhnańnicy.
Padpisanty lista źviartajuć uvahu, što ahresija z boku Rasii taksama pazbavić navukoŭcaŭ mahčymaści narmalna pracavać, bo raźvićcio ŭ śfiery daśledvańniaŭ niemahčymaje biez supracoŭnictva z kalehami ź inšych krain. Ciapier rasijskaja navuka pazbavicca takoj mahčymaści.
Izalacyja Rasii ŭ śviecie, ličać padpisanty lista navukoŭcaŭ, jašče bolš pahoršyć kulturnuju i technałahičnuju dehradacyju krainy. Takim čynam, jak pišuć u liście, vajna z Ukrainaj — heta krok u niebyćcio.