Mikita Jemialjanaŭ spyniŭ haładoŭku, ale jaho praciahvajuć utrymlivać u ŠIZA
24 lutaha stała viadoma, što palitźniavolenamu anarchistu Mikitu Jemialjanavu dadali jašče 10 sutak štrafnoha izalatara. Jon prabudzie tam da 4 sakavika. Viadoma, što chłopiec spyniŭ haładoŭku, jakuju trymaŭ z 3 lutaha, paviedamlajuć pravaabaroncy.
Maci patiźniavolenaha atrymała dva adkazy na svaje skarhi ad administracyi turmy №4 za podpisam načalnika Alaksandra Łaŭera.
U pieršym adkazie značycca, što Mikita abviaściŭ haładoŭku, jaho pavodziny nosiać «ustanovačny, demanstratyŭna-šantažny charaktar, što ŭ nastupstvie moža nanieści škodu jaho zdaroŭju». Rodnym chłopca prapanoŭvałasia ŭ piśmovaj formie paviedamić synu pra nieabchodnaść spynieńnia haładoŭki z metaj zachavańnia zdaroŭja.
Paśla hetaha kiraŭnictvam byŭ dasłany list, dzie było ŭkazana, što pieršy adkaz — pamyłkovy. Byŭ dasłany druhi adkaz, u jakim užo adznačałasia, što Mikita spyniŭ haładoŭku i na 25 lutaha jaho stan zadavalniajučy, za im praciahvajuć nazirać miedyki.