Siaredni zarobak u studzieni źniziŭsia amal na 200 rubloŭ
Naminalny siaredni zarobak u Biełarusi ŭ studzieni skłaŭ 1 477,8 rubla, paviedamlaje Biełstat.
Naminalny siaredni zarobak, heta značyć da vyličeńnia padachodnaha padatku i strachavych uznosaŭ, u studzieni źniziŭsia na 197,5 rubla ŭ paraŭnańni sa śniežniem. Tady jon pavialičyŭsia na 199 rubloŭ, ale heta było źviazana z vypłataj premij u kancy hoda.
Atrymlivajecca, što ŭ studzieni siaredniaja zarpłata była ŭsiaho na 1,5 rubla vyšejšaj za listapadaŭskuju, jakaja składała 1 476,3 rubla.
U dalaravym ekvivalencie naminalnaja zarpłata ŭ pieršym miesiacy hoda skłała 572 dalary (pa siarednim kursie Nacbanka ŭ studzieni).