U Ałžyry złačyncy rabili z čarnaskurych mužčyn biełych žančyn
U Ałžyry miascovyja palicyjanty zdoleli vykryć złačynnuju sietku, jakaja składałasia z 14 čałaviek. Jana zajmałasia niezakonnym abarotam ciažkich narkotykaŭ i handlem ludźmi. Prytym była vielmi vynachodlivaja: čarnaskurych mužčyn hrymiravali pad biełych žančyn, a kapsuły z narkotykami prahłynali i pieravozili ŭ straŭniku dy kišečniku, piša sawahpress.com.
U zajavie dla presy lejtenant palicyi Vali Nasier Chadž z Centralnaj akruhi sudovaj palicyi biaśpieki horada Viłaja ŭ Ałžyry paćvierdziŭ, što hetaja « złačynnaja sietka, jakaja składajecca z 14 čałaviek, u tym liku čatyroch ałžyrcaŭ i 10 inšaziemcaŭ, va ŭzroście ad 20 da 45 hadoŭ, pierapraŭlała praź miažu ludziej, apranajučy ich u žanočuju vopratku i nanosiačy na tvary kaśmietyku». Prytym rabiłasia heta tak pa-majstersku, što ŭ vyniku čarnaskuryja mužčyny rabilisia vonkava biełymi žančynami.
Taksama hrupa handlavała kakainam i hierainam, dla dastaŭki na terytoryju Ałžyra prahłynajučy kapsuły ź imi. Pa słovach čynoŭnika, u vyniku apieracyi było znojdziena i kanfiskavana 780 h hierainu, 670 h kakainu, 50 h kanabisu, a taksama farmaceŭtyčnyja materyjały i abstalavańnie, jakija vykarystoŭvajucca pry padrychtoŭcy narkotykaŭ.
Lejtenant palicyi raskazaŭ, što padazravanych pakazali miedykam, jakija znajšli ŭ ich u kišečnikach «inšarodnyja cieły». Maŭlaŭ, členy hetaj złačynnaj hrupy «prahłynuli hierain i kakain u vyhladzie kapsuł, kab prajści kantrol, a paśla mieć mahčymaść atrymać ich nazad praz ekskremienty, zatym źmiašać z farmaceŭtyčnymi materyjałami i raspaŭsiudžvać u centry horada».