U Litvie zatrymali kantrabandystaŭ, jakija vyhružali cyharety z vahona ekskavataram
Uviečary 3 lutaha na stancyi Varena ŭ Litvie pamiežniki zatrymali kantrabandystaŭ-biełarusaŭ padčas vyhruzki imi z vahona hruzu ekskavataram. Pra heta paviedamlaje aficyjny sajt litoŭskaj pamiežnaj słužby pasienis.lt.
Vahon stajaŭ na addalenaj čyhunačnaj placoŭcy, a ŭ im pad roznym druzam, pryviezienym ź Biełarusi, znachodzilisia kardonnyja skrynki z kantrabandnymi cyharetami marak Minsk Capital QS, NZ Gold, Minsk 5 Superslims. Skrynak było 160, cana hruzu — 290 tysiač jeŭra.
Uładalniki hruzu va ŭzroście 38 i 41 hadoŭ nie mieli pry sabie dakumientaŭ. Ale nieŭzabavie vyśvietliłasia, što ŭ Litvie jany znachodzilisia zakonna, z šenhienskimi vizami.
Pakul što kantrabandystaŭ aryštavali na dva miesiacy.