Dyrektar himnazii: Piacihadovaje dzicia ciapier možna budzie adpravić u škołu biez dazvołu Ministerstva adukacyi
Dla taho, kab adpravić piacihadovaje dzicia ŭ pieršy kłas škoły, ciapier nie treba budzie brać dazvoł Ministerstva adukacyi. Pra heta raskazała dyrektarka minskaj himnazii №24 Taćciana Łukša.
Fota: fotoksa / depositphotos.com
«Da pryniaćcia novaj redakcyi Kodeksa školnikam mahło stać dzicia, jakomu da 1 vieraśnia spaŭniałasia 6 hadoŭ, a ŭsie astatnija, chto dasiahaŭ hetaha ŭzrostu paśla pačatku navučalnaha hoda i da kanca vieraśnia, mahli pajści ŭ pieršy kłas tolki praz dazvoł Ministerstva adukacyi i na asnovie miedycynskaj daviedki, jakaja paćviardžaje hatoŭnaść da navučańnia ŭ škole. Paśla ŭstupleńnia kodeksa ŭ zakonnuju siłu dazvoł ministerstva nie spatrebicca», — adznačyła dyrektarka.
Taksama ŭ pieršy kłas dazvolili iści dzieciam, jakim spaŭniajecca 6 hadoŭ nie na praciahu vieraśnia, a da 31 śniežnia. Zaličeńnie takich dziaciej u škołu budzie prymacca niepasredna piedahahičnaj radaj ustanovy adukacyi.
«Kali baćki ličać, što dzicia hatovaje da navučańnia i heta paznačana ŭ miedycynskaj daviedcy, rašeńnie my budziem prymać na miescach, biez dadatkovych krokaŭ u vyšejstajačyja instancyi, ale havorka idzie tolki pra dziaciej, jakim spaŭniajecca šeść hadoŭ da 31 śniežnia», — adznačyła Taćciana Łukša.