Vyniesieny prysud fatohrafu Uładziu Hrydzinu
Fatohrafu Uładziu Hrydzinu dali 13 sutak aryštu za «niepadparadkavańnie».
Pra zatrymańnie Hrydzina stała viadoma ŭčora. «Doma niama. Mašyna ŭ dvary. Doma byŭ pieratrus — brudna, raskidanyja rečy, ślady ad abutku», — raskazała siastra Uładzia Hrydzina.
Paźniej stała viadoma, što žurnalist znachodzicca ŭ IČU na Akreścina.
U minułym Uładź Hrydzin supracoŭničaŭ ź Biełaruskaj słužbaj «Radyjo Svaboda». Ën viadomy fatohraf, jaki vystaŭlaŭsia ŭ Biełarusi i za miažoju, atrymlivaŭ šmatlikija prafiesijnyja premii.