Piaskoŭ prakamientavaŭ słovy Łukašenki pra abiacanaje zvańnie pałkoŭnika ad Pucina
Pres-sakratar prezidenta Rasii Dźmitryj Piaskoŭ na pytańnie žurnalistaŭ ab čakańni Alaksandram Łukašenkam zvańnia pałkoŭnika, paviedamiŭ, što Uładzimir Pucin nie maje prava prysvojvać zvańni va Uzbrojenych siłach inšaj krainy.
U intervju Uładzimiru Sałaŭjovu Łukašenka raskazaŭ, što słužyŭ u savieckaj armii i pažartavaŭ, što da hetaha času čakaje zvańnie pałkoŭnika.
«Bo Uładzimir Pucin źjaŭlajecca prezidentam Rasijskaj Fiederacyi, a Alaksandr Łukašenka źjaŭlajecca prezidentam i hramadzianinam Respubliki Biełaruś, i heta dźvie roznyja krainy. I prezident Rasijskaj Fiederacyi nie maje prava prysvojvać voinskija zvańni va Uzbrojenych siłach inšaj dziaržavy», — cytuje słovy Piaskova ria.ru.