«Užyvali miefiedron, vychodzili na pratesty i arhanizoŭvali zabaronienyja aŭtaprabiehi». U Hrodnie siamiejnuju paru źbirajucca sudzić adrazu i za narkotyki, i za palityku
Narkakantrol Hrodzienskaha RAUS zatrymaŭ 26-hadovaha žychara abłasnoha centra ź psichatropam. U telefonie jaho 21-hadovaj žonki znajšli infarmacyju ab zakładcy: kaardynaty tajnika, vaha i nazva narkotyka, paviedamlaje pres-słužba MUS.
Dalej spravu stali raskručvać u inšy bok.
Pavodle milicyi, muž i žonka nibyta nie tolki ŭžyvajuć zabaronienyja rečyvy, ale «ŭ 2020 hodzie maładyja ludzi arhanizoŭvali pratestnyja aŭtaprabiehi i kaardynavali ŭ čatach ruch vuličnych šeściaŭ».
Pakul što ŭzbudžanaja kryminalnaja sprava za niezakonny abarot narkotykaŭ, a dziejańniam zatrymanych, źviazanych ź ich hramadska-palityčnaj pazicyjaj, «budzie dadziena pravavaja acenka».
Proźviščaŭ zatrymanych pakul nie pakazvajuć, tvar žančyny na «pakajannym» videa zablurany.