U Mastach aštrafavali vykładčycu muzyki za pierapost trochhadovaj daŭniny
U Mastach sud aštrafavaŭ vykładčycu salfiedžya i muzyčnaj litaratury Halinu Ciarenćjevu na 20 bazavych vieličyń (640 rubloŭ) za repost zapisu telekanała «Biełsat», zrobleny ŭ 2019 hodzie. Pra heta paviedamlaje pravaabarončy centr «Viasna».
Sud nad Ciarenćjevaj prajšoŭ 19 studzienia, jaje pryznali vinavataj u raspaŭsiudzie ekstremisckich materyjałaŭ (artykuł 19.11 KaAP). Zatrymali ž žančynu na miesiac raniej na pracoŭnym miescy, a paśla sutki ŭtrymlivali ŭ kamiery RAUS.
U kvatery Ciarenćjevaj siłaviki praviali pieratrus i kanfiskavali noŭtbuk, telefon dy robat-pyłasos.