Takajeŭ patłumačyŭ niaŭdačy vajskoŭcaŭ padčas pratestaŭ u Kazachstanie niaŭpeŭnienaściu kiraŭnictva armijaj
Kasym Žamart Takajeŭ zvolniŭ ministra abarony Murata Biektanava. Na dumku prezidenta Kazachstana, Biektanaŭ nie prajaviŭ kamandzirskich jakaściaŭ u krytyčnaj situacyi.
Fota TASS
Pra heta Takajeŭ zajaviŭ, pradstaŭlajučy novaha ministra abarony Rusłana Žaksyłykava kiroŭnamu składu viedamstva.
«Ministr Biektanaŭ nie prajaviŭ kamandzirskich jakaściaŭ. Majučy ŭ svaim rasparadžeńni armiju, jakaja pakazvała dobryja vyniki padčas kamandna-štabnych i vajskovych vučeńniaŭ, my nie zmahli skarystacca jaje patencyjałam u krytyčnaj situacyi i byli vymušanyja źviarnucca da dapamohi zvonku», — skazaŭ Takajeŭ.
Na jaho dumku, padčas studzieńskich padziej «Uzbrojenyja siły z-za vielmi niaŭpeŭnienaha i biezynicyjatyŭnaha kiraŭnictva imi nie zmahli z hodnaściu vykanać pastaŭlenyja zadačy».