Z publičnaj prastory źnikła starejšaja dačka Nazarbajeva: jana nie pryjšła na pasiadžeńnie parłamienta
Daryha Nazarbajeva — starejšaja dačka pieršaha prezidenta Kazachstana — 12 studzienia nie źjaviłasia na plenarnym pasiadžeńni nižniaj pałaty parłamienta, deputatam jakoha jana źjaŭlajecca.
Daryha Nazarbajeva. Fota: TASS
«Jana na balničnym», — paviedamili «Interfaksu» ŭ pres-słužbie parłamienta, nie staŭšy ŭdakładniać detali.
U svaju čarhu pamočnik Daryhi Nazarbajevaj Žanna Jermiekava paviedamiła Orda.kz, što ŭ deputata kavid. Nazarbajeva, dadała jana, znachodzicca «doma ŭ Ałmaty».
Admietna, što apošnim časam 81-hadovy były prezident Kazachstana Nursułtan Nazarbajeŭ nie źjaŭlajecca na publicy
Paśla pačatku pratestaŭ prezident Kasym-Žamart Takajeŭ źmianiŭ Nazarbajeva na pasadzie kiraŭnika Rady Biaśpieki. Tady źjaviłasia infarmacyja, što Nazarbajeŭ pakinuŭ Kazachstan. Ale 8 studzienia pres-słužba Nazarbajeva zajaviła, što jon znachodzicca ŭ krainie i padtrymlivaje suviaź z Takajevym.