Žonka Makrona budzie sudzicca z-za kanśpirałahičnaj viersii. Jaje nazvali transhiendaram
Pieršaja łedzi Francyi Bryžyt Makron rychtuje sudovy isk z-za čutak pra toje, što jana nibyta transhiendarnaja žančyna, paviedamiŭ jaje advakat Žan Enašy. Suprać kaho jana źbirajecca sudzicca, nie ŭdakładniajecca.
Getty Images
Jak paviedamlaje BBC News, u internecie šyroka razyšłasia teoryja zmovy ab tym, što Bryžyt Makron naradziłasia mužčynam pad imiem Žan-Mišel Trańje. Pieršyja čutki pra heta źjavilisia ŭ vieraśni na ultrapravym sajcie ŭ artykule, napisanym niejkaj Natašaj Rej.
Zatym prychilniki zmoŭ, praciŭniki vakcynacyi i ŭltrapravyja aktyvisty abmierkavali hetuju teoryju padčas jutub-tranślacyi, paśla čaho pra jaje stali pisać u sacyjalnych sietkach. U asnoŭnym paviedamleńni pra heta źjavilisia ŭ akaŭntach praciŭnikaŭ prezidenta Francyi, u tym liku siarod prychilnikaŭ kanśpirałahičnaha ruchu QAnon.
68-hadovaja Bryžyt Makron zamužam za Emaniuelem Makronam z 2007 hoda. U jaje troje darosłych dziaciej ad raniejšaha šlubu.