Nuncyj Jozič i arcybiskup Stanieŭski sustrelisia z Makiejem
21 śniežnia mitrapalit Minska-Mahiloŭski arcybiskup Juzaf Stanieŭski ŭ supravadžeńni apostalskaha nuncyja, arcybiskupa Ante Joziča sustreŭsia ź ministram zamiežnych spraŭ Uładzimiram Makiejem.
U sustrečy braŭ udzieł taksama pieršy namieśnik ministra, pasoł pry Śviatym Prastole Siarhiej Alejnik, piša catholic.by.
«Asnoŭnymi temami hutarki stali aktualnaje stanovišča Rymska-katalickaha kaścioła ŭ Biełarusi, uzajemadziejańnie Śviatoha Prastołu i aficyjnaha Minska, a taksama niekatoryja inšyja pytańni dvuchbakovaha i šmatbakovaha paradku dnia. Pa vynikach abmierkavańnia baki paćvierdzili imknieńnie da ŭmacavańnia mižkanfiesijnaha dyjałohu, aktyvizacyi supracoŭnictva ŭ roznych śfierach dla dasiahnieńnia dalejšaj stanoŭčaj dynamiki ŭzajemadziejańnia», — havorycca ŭ paviedamleńni.