Pucin raskazaŭ ab tym, što ŭ 1990-ja pracavaŭ taksistam
Prezident Rasii Uładzimir Pucin pryznaŭ, što ŭ 1990-ja hady padpracoŭvaŭ pryvatnym voźnictvam.
Videazapis, na jakim jon pra heta kaža, uvajšoŭ u film «Najnoŭšaja historyja», jaki vyjdzie na telekanale «Rośsija 1» u niadzielu. Frahmienty filma ŭ subotu apublikavaŭ telekanał «Rośsija 24».
«Časam davodziłasia padpracoŭvać i voźnictvam. Niepryjemna pra heta kazać, ale, na žal, i heta taksama było», — skazaŭ Pucin.
U filmie Pucin taksama raskazaŭ ab ahientach CRU, jakija nibyta pracavali ŭ 90-ja ŭ rasijskim uradzie.
Pucin udakładniaŭ, što ŭ pačatku 2000-ch, paśla taho, jak staŭ prezidentam, «užo vyčyściŭ usich».