Viadomy futbalist Dzianis Koŭba ŭ ciažkim stanie z kavidam
Viadomy ŭ minułym futbalist 42-hadovy Dzianis Koŭba trapiŭ u ciažkim stanie ŭ reanimacyju, paviedamlaje «Presboł».
Dzianis Koŭba. Fota FK «Kryły savietaŭ»
«Prašu vašaj malitvy za vielmi dobraha čałavieka, baćku maich dziaciej Dzianisa Koŭbu. Jon znachodzicca ŭ vielmi ciažkim stanie ŭ reanimacyi z dyjahnazam kavid», — paviedamiła ŭ svaim instahramie byłaja žonka futbalista — fotamastačka Nadzia Koŭba.
Dzianis Koŭba hulaŭ za viciebski «Łakamatyŭ», kiravahradskuju «Zorku», češskuju «Spartu», pravioŭ 247 matčaŭ za samarskija «Kryły Savietaŭ» i 35 matčaŭ za zbornuju Biełarusi.
U 2018 hodzie jon viarnuŭsia ŭ Viciebsk, dzie letaś uznačaliŭ dubl miascovaj kamandy, jakaja vystupaje ŭ čempijanacie Biełarusi.