Siarhiej Cichanoŭski vyjhraŭ spravu ŭ AAN: ad biełaruskich uładaŭ patrabujuć nieadkładnaha jaho vyzvaleńnia i vypłaty kampiensacyi
Pracoŭnaja hrupa AAN pa advolnych zatrymańniach razhledzieła skarhu, padadzienuju ŭ abaronu Siarhieja Cichanoŭskaha pa fakcie jaho zatrymańnia na pieradvybarnym pikiecie 29 traŭnia 2020 hoda i jaho papiaredniaha źniavoleńnia pa kryminalnaj spravie, jakija supravadžalisia parušeńniem šerahu jaho fundamientalnych pravoŭ, paviedamlajuć pravaabaroncy.
Pracoŭnaja hrupa pryjšła da nastupnych vysnovaŭ — pazbaŭleńnie voli Siarhieja Cichanoŭskaha źjaŭlajecca advolnym, biełaruskija ŭłady pavinny pryniać terminovyja miery dla jaho nieadkładnaha vyzvaleńnia, vypłaty kampiensacyi za parušeńnie jaho pravoŭ i pravieści rasśledavańnie akaličnaściaŭ, jakija supravadžali jaho advolnaje źniavoleńnie.