Minzdaroŭja: Za sutki 1890 vypadkaŭ karanavirusa
Minzdaroŭja paviedamiła, što za sutki zafiksavana 1890 vypadkaŭ karanavirusa.
Pavodle aficyjnaj statystyki, z 5 kastryčnika fiksavałasia bolš za 1900 vypadkaŭ, a adznaka ŭ 2 tysiačy była pieraadolena 12 kastryčnika. Adnak z 25 kastryčnika, pavodle Minzdaroŭja, fiksujecca mienš za 2000 vypadkaŭ.
Vypisany 1 561 čałaviek.
Usiaho z pačatku pandemii zarehistravanyja 602 058 čałaviek sa stanoŭčym testam na COVID-19. Vyzdaravieli 575 555.
Za ŭvieś čas pamierli 4 646 (15 za sutki).
Za minułyja sutki vykanana 20 796 testaŭ.
Ministr achovy zdaroŭja Dźmitryj Pinievič u intervju «Biełaruś 1» 31 kastryčnika adznačyŭ, što intensiŭnaha źnižeńnia zachvorvańnia COVID-19 pakul nie nazirajecca, ale jość stabilizacyja.
«My bačym pavolnuju stabilizacyju. Adnolkavyja pastupleńni chvorych, raście kolkaść vypisanych pacyjentaŭ. Mienš pastupaje ŭ stacyjanary pacyjentaŭ ź pnieŭmanijami. Hetaja tendencyja praciahvajecca», — skazaŭ jon.