Nie spadabałasia praca: u Minskim rajonie zakazčyk pahražaŭ pistaletam dyrektaru budfirmy
Mužčyna pahražaŭ pistaletam dyrektaru budaŭničaj arhanizacyi ŭ Minskim rajonie, paviedamlaje MUS.
Zdareńnie adbyłosia ŭ čaćvier, 21 kastryčnika, u vioscy Zakabłuki. 40-hadovy kiraŭnik budaŭničaj firmy pryjechaŭ siudy, kab atrymać hrošy za pracu svajoj bryhady ŭ domie, jaki budujecca. Zakazčyk admoviŭsia płacić, bo jamu nie spadabałasia jakaść vykananych rabot. Bolš za toje, jon prystaviŭ da hałavy dyrektara pistalet i pieraščoŭknuŭ zatvor.
Mužčyna pajšoŭ i adrazu ž vyklikaŭ milicyju. 46-hadovaha haspadara doma zatrymaŭ AMAP.
Raspačataja kryminalnaja sprava za pahrozu zabojstvam. U mužčyny kanfiskavali dva stvały, jakija nakiravali na ekśpiertyzu.