Eks-studentku BDU druhi raz zapar pakarali 15 sutkami. Jaje zatrymali paśla sproby trapić na abskardžvańnie «spravy studentaŭ»
20-hadovuju Safiju Marhunovu zatrymali jašče 5 kastryčnika paśla sproby patrapić na razhlad apielacyjnaj skarhi pa «spravie studentaŭ» u Minharsudzie. Na sud jaje nie puścili, a praź niekatory čas Sofja pierastała vychodzić na suviaź. Na nastupny dzień sudździa Frunzienskaha rajona Maryja Jarochina aryštavała dziaŭčynu pa art. 24.23 KaAP na 15 sutak. 20 kastryčnika Marhunova na volu tak i nie vyjšła — na jaje skłali novy pratakoł pa art. 19.1 KaAP (drobnaje chulihanstva), piša «Novy čas».
21 kastryčnika spravu Safii razhladzieła sudździa Taćciana Pałulech.
Dziaŭčynu abvinavacili ŭ tym, što padčas «prafiłaktyčnaj hutarki» kala 11:00 u «mašynie pa darozie ŭ Frunzienski RUUS pavodziła siabie ahresiŭna i zadzirliva, hučna kryčała, niecenzurna łajałasia, na zaŭvahi nie reahavała, vybiła z ruk Zahora tečku z dakumientami».
Zhodna z pakazańniami milicyjanta, Marhunovu sustreli ranicaj na vychadzie ź CIPa, kab pravieści hutarku nakont udziełu dziaŭčyny ŭ niesankcyjanavanych mierapryjemstvach. Ale vinu svaju dziaŭčyna admaŭlaje. Pa jaje słovach, z momantu, kali jaje pavinny byli vyzvalić paśla aryštu, i da 20:00 jana znachodziłasia ŭ CIPie na Akreścina, tamu fizična nie mahła «chulihanić» ranicaj u mašynie. Heta mahli paćvierdzić videakamiery na Akreścina, ale sudździa Pałulech adchiliła chadajnictva Safii.
Akramia hetaha Marhunova paviedamiła, što ŭ RUUSie ŭ pratakole apytańnia jana pryznała vinu, bo joj «skazali tak napisać».
Vynikam staŭ čarhovy 15-sutačny aryšt. Ahułam Marhunova praviadzie na Akreścina 30 sutak.
Raniej dziaŭčynu zatrymlivali ŭ sakaviku na kanfierencyi niezaležnych studenckich prafsajuzaŭ, jaki prajšoŭ u biznes-kłubie «Imahuru». Tady Safija adbyła 15-sutačny aryšt na Akreścina.