Łukašenka zapatrabavaŭ nie admianiać płanavuju mieddapamohu
Pra heta jon zajaviŭ na naradzie pa epidemijałahičnaj situacyi i mierach pa supraćdziejańni raspaŭsiudžvańniu karanavirusnaj infiekcyi.
«Nieadkładna padrychtavać płan mierapryjemstvaŭ, kab nie było admieny nijakich płanavych ahladaŭ, — skazaŭ palityk. — Nijakaj admieny płanavych manipulacyj, apieracyj, kansultacyj być nie pavinna».
«Rašeńnie pryniata, zajmajciesia», — skazaŭ Alaksandr Łukašenka.
Nahadajem, učora ŭ Ministerstvie achovy zdaroŭja byŭ padpisany zahad, jaki časova prypyniaje akazańnie płanavaj miedycynskaj dapamohi ŭ ambułatorna-palikliničnych arhanizacyjach achovy zdaroŭja.
U tym liku havorka išła ab praviadzieńni dyspansieryzacyi, skryninhavych mierapryjemstvach, akazańni reabilitacyjnaj dapamohi, vykanańni fizijaterapieŭtyčnych pracedur, lačeńni ŭ adździaleńniach dzionnaha znachodžańnia, akazańni płanavaj stamatałahičnaj dapamohi.