U Piermskim krai 12-hadovy chłopčyk adkryŭ stralbu ŭ škole. Nichto nie paciarpieŭ
Zdareńnie adbyłosia ranicaj u pasiołku Sars. 12-hadovy padletak pryjšoŭ u škołu z palaŭničym karabinam i adkryŭ stralbu.
Vučań šostaha kłasa zrabiŭ dva streły ŭ ścianu i stol, paśla čaho jaho zatrymali. U vyniku incydentu, jaki adbyŭsia da pačatku zaniatkaŭ, nichto nie paciarpieŭ.
Padčas stralaniny ŭ škole znachodzilisia bolš za 300 vučniaŭ i 30 piedahohaŭ. Usie jany samastojna pakinuli budynak.
Padletka razzbroiła dyrektarka škoły, uhavaryŭšy jaho zajści na razmovu da siabie ŭ kabiniet.
Adzin sa śviedak śćviardžaje, što školnik pavodziŭ siabie nieadekvatna. «Ździajśniajučy streły ŭ pavietra jon vykrykvaŭ niaskładnyja frazy, a pry zatrymańni kryčaŭ, što kirujecca «ŭkazańniami Boha», — raspavioŭ jon.
Sam padletak zajaviŭ, što ŭ škole jaho ckavali. «Zatrymany padletak paviedamiŭ, što padstavaj dla jaho praviny stała drennaje staŭleńnie adnakłaśnicy, rehularnyja kryŭdy, a taksama bulinh», — paviedamiła krynica.
Pa papiarednich danych, zbroju padletak uziaŭ u baćki. Jano aficyjna zarehistravana i znachodzicca na ŭliku.