Hałoŭny redaktar biełaruskaj «Kamsamołki» vykazaŭsia pra zakryćcio vydańnia
«Usio, što skazana ŭ apublikavanym paviedamleńni, — pakul što vyčarpalnaja infarmacyja. Usio budzie vyrašacca ŭ pracoŭnym paradku», — zajaviŭ BiełaPAN hałoŭny redaktar haziety «Kamsamolskaja praŭda» ŭ Biełarusi» Siarhiej Trafiłaŭ na prośbu prakamientavać rašeńnie maskoŭskaj redakcyi zakryć biełaruskaje pradstaŭnictva.
Viečaram 28 vieraśnia na sajcie kp.by vyjšaŭ materyjał Hienadzia Mažejki, u jakim pra prahramista Andreja Zielcera, jaki zastreliŭ supracoŭnika KDB Dźmitryja Fiedasiuka, raspaviadała jaho adnakłaśnica.
Na nastupnuju ranicu sajt kp.by byŭ zabłakavany rašeńniem Mininfarma.
2 kastryčnika stała viadoma pra zatrymańnie Hienadzia Mažejki.
Uviečary 5 kastryčnika stała viadoma, što maskoŭskija ŭładalniki «Kamsamolskaj praŭdy» pryniali rašeńnie zakryć biełaruskaje pradstaŭnictva vydańnia.