Prezidenty Litvy i Łatvii z trybuny AAN zhadali prablemu Biełarusi
Na Hienasamblei AAN temu Biełarusi zakranuli taksama kiraŭniki Litvy i Łatvii.
Hitanas Naŭsieda ŭ svaim vystupie abvinavaciŭ Minsk u hibrydnaj atacy, arhanizavanaj u vyhladzie mihracyjnaha kryzisu, a taksama zakranuŭ temu BiełAES. Prezident Litvy ličyć, što dziejańni biełaruskich uładaŭ mohuć akazvać upłyŭ na mižnarodnuju biaśpieku. Jon nahadaŭ pra incydent z samalotam Ryanair, paraŭnaŭšy jaho z aktam teraryzmu, jaki spansirujecca dziaržavaj.
Łatvijski prezident Ehiłs Levits, zajaviŭ, što Łatvija asudžaje dziejańni režymu Łukašenki suprać biełaruskaj hramadzianskaj supolnaści, niezaležnych ŚMI i žurnalistaŭ. Pa jaho słovach, biełaruskija ŭłady zajšli tak daloka, što zachapili mižnarodny rejs. Taksama jon abvinavaciŭ Biełaruś u stvareńni mihracyjnaha kryzisu.
Levits adznačyŭ, što adzinaje rašeńnie situacyi ŭ Biełarusi — novyja, svabodnyja i spraviadlivyja prezidenckija vybary ŭ prysutnaści mižnarodnych naziralnikaŭ.