Prezidenta Brazilii nie puścili ŭ restaran u ZŠA z-za adsutnaści pryščepki
Žair Bałsanaru pryjechaŭ u ZŠA, kab paŭdzielničać u pracy 76-j siesii Hienasamblei AAN.
Bałsanaru treci źleva
Adrazu paśla prybyćcia ŭ Ńju-Jork u niadzielu jon razam z členami ŭrada Brazilii pajšoŭ u restaran. U Ńju-Jorku dziejničajuć kavidnyja abmiežavańni i restarany mohuć puskać haściej u pamiaškańni, tolki kali jany paćvierdziać prachodžańnie vakcynacyi.
Paśla taho jak Bałsanaru admovilisia puskać u restaran, jamu daviałosia jeści picu na vulicy. Jaho padtrymali ministr justycyi Andersan Tores, ministr achovy zdaroŭja Marsełu Kiejroha, Aŭhusta Elena z upraŭleńnia instytucyjnaj biaśpieki i hienieralny sakratar prezidenta Łuiš Eduardu Ramaš. Fota ŭ instahram vykłaŭ Tores.