Polšča: U Biełarusi jość 10 tysiač mihrantaŭ dla «hibrydnaj ataki» suprać ES
Premjer-ministr Polščy Matejuš Maraviecki kaža, što na terytoryi Biełarusi znachodziacca kala 10 tysiač mihrantaŭ, jakija mohuć napoŭnić Polšču i Litvu, paviedamlaje Delfi.
«Pavodle našych źviestak, u Biełarusi jość bolš za 10 tysiač, moža, i bolš asob, pieramieščanych ź Blizkaha Uschodu, u asnoŭnym — ź Iraka, a taksama ź Siryi, kab pravodzić hibrydnuju ataku», — skazaŭ Maraviecki.
Pavodle jaho słoŭ, minski režym ažyćciaŭlaje suprać Litvy i Polščy «pravakacyju, jakaja była inśpiravana ŭ Maskvie».
Polski premjer taksama padkreśliŭ važnaść baraćby z prapahandaj biełaruskaha režymu, kab nie dapuścić «efiektyŭnaść palityki Alaksandra Łukašenki».