Litva: Tolki 2-3% mihrantaŭ atrymajuć prytułak, rašeńnie pa astatnich budzie admoŭnaje
Na radzimu ź Litvy viarnulisia 8 mihrantaŭ, jašče 30 vykazali žadańnie. Pra heta paviedamiła ŭ paniadziełak radyjostancyi LRT dyrektarka Departamienta mihracyi Evielina Hudzinskajcie, piša Delfi.
U časova pasielenych u Litvie mihrantaŭ jość mahčymaść viarnucca dadomu z apłataj ich darožnych vydatkaŭ, a taksama z atrymańniem dadatkovych 300 jeŭra.
E. Hudzinskajcie ličyć, što pastupova kolkaść tych, chto choča viarnucca na svaju radzimu, budzie raści.
Razam z tym na hety momant prośby ab palityčnym prytułku atrymany ad amal 2 tysiač čałaviek.
«Kožnaje prašeńnie razhladajecca indyvidualna, ale kali aceńvać profili, prahnazuju, što kala 2-3% usich mihrantaŭ atrymaje prytułak, rašeńni pa ŭsich astatnich, chutčej za ŭsio, buduć admoŭnymi», — skazała E. Hudzinskajcie.
Sioleta ŭ Litvu niezakonna trapili kala 4,1 tys. mihrantaŭ.