Paśla najezdu Łukašenki na JERAM zasnavalnik kampanii pravioŭ anłajn sustreču z supracoŭnikami
Łukašenka abvinavaciŭ zasnavalnika IT-kampanii JERAM Arkadzia Dobkina ŭ finansavańni pratestaŭ i suviaziach sa śpiecsłužbami. Dobkin zajaviŭ, što taki kamientar «nielha nazvać pryjemnym».
Siońnia jon adkazaŭ na pytańni zakłapočanych rabotnikaŭ, jakija pytali, ci budzie EPAM sychodzić ź Biełarusi, ci budzie dapamoha supracoŭnikam pry fors-mažorach, naprykład pry patrebie terminovaj rełakacyi.
«Jon adkazvaŭ, što pakul kampanija nie źbirajecca sychodzić ź Biełarusi, jon nie dumaje, što buduć mocna zaminać pracavać i nie budzie sposabu, jak vypłočvać zarobki, — pierakazaŭ «Našaj Nivie» adzin z udzielnikaŭ sustrečy. — Skazaŭ, kali niešta «takoje» budzie, to jość zapasny płan, sens jakoha nam nie daviali. Ale zapeŭnili, što dapamoha budzie va ŭsich varyjantach raźvićcia padziej».
Nahadajem, EPAM źjaŭlajecca najbujniejšym rezidentam Parku vysokich technałohij.