U aŭtakatastrofie ŭ Hiermanii zahinuŭ biełaruski ciažkaatlet Alaksiej Mžačyk. Jamu było 25 hadoŭ
Kiroŭca mašyny, u jakoj jechaŭ spartoviec, nie daŭ rady kiravańniu na aŭtabanie.
weightlifting.by
Spačatku aŭto ŭdaryłasia ab aharodžu trasy, a potym u słup, paviedamlaje «Jeŭraradyjo».
Ad atrymanych traŭmaŭ štanhist zahinuŭ na miescy. Kiroŭca i jašče dva inšyja pasažyry atrymali ciažkija traŭmy i byli špitalizavanyja na viertalocie.
Alaksiej Mžačyk — majstar sportu mižnarodnaha kłasa, vystupaŭ u vahavaj katehoryi zvyš 109 kh. Udzielnik Alimpijskich hulniaŭ u Rya-2016. Bronzavy pryzior moładzievaha čempijanatu Jeŭropy. Siarebrany pryzior čempijanatu śvietu siarod junijoraŭ 2012 i 2015 hadoŭ.