Vybuch na chimzavodzie ŭ Hiermanii: kolkaść paciarpiełych rezka ŭzrasła, a ludziej prosiać trymać vokny začynienymi
Na zachadzie Hiermanii (horad Levierkuzien) adbyŭsia mahutny vybuch na najbujniejšym u Jeŭropie zavodzie pa chimičnaj pramysłovaści. Paciarpieli minimum 16 čałaviek.
Čaćviora z paciarpiełych znachodziacca ŭ ciažkim stanie. Adzin čałaviek zahinuŭ.
Asnoŭnaje ŭzharańnie patušana, adnak pažarnyja praciahvajuć zmahacca z dadatkovymi ačahami.
Pryčyna vybuchu pakul nieviadomaja, ale palicyja Levierkuziena prosić žycharoŭ trymać dźviery i vokny začynienymi, a taksama nie pakidać svaje damy.