Hienierał-hubiernataram Kanady ŭpieršyniu ŭ historyi stała pradstaŭnica inuitaŭ
Novym hienierał-hubiernataram Kanady pryznačanaja były lidar inuitaŭ Mery Sajman. Jana stała pieršym pradstaŭnikom karennych narodaŭ Kanady na hetaj pasadzie, paviedamlaje kanadskaja teleradyjokampanija CBC.
«Ja mahu z upeŭnienaściu skazać, što majo pryznačeńnie ŭjaŭlaje saboj histaryčny i natchnialny momant dla Kanady i źjaŭlajecca važnym krokam napierad na doŭhim šlachu da prymireńnia», — zajaviła Sajman. Jana rabiła pramovu na anhlijskaj i na inuktytucie, movie inuitaŭ.
Mery Sajman naradziłasia ŭ vioscy Kanžykualužuak na poŭnačy kanadskaj pravincyi Kviebiek. Jaje maci była pradstaŭnicaj inuitaŭ, baćka — anhielcam. Bolšuju častku svajoj karjery Sajman zajmałasia abaronaj pravoŭ inuitaŭ. Taksama była pasłom Kanady ŭ Danii (1999-2002) i prezidentam kanadskaj arhanizacyi inuitaŭ «Inuit Tapiryit kanatami» (2006-2012).