Na vybarach u Małdovie čakajecca ŭpeŭnienaja pieramoha prajeŭrapiejskich sił
Papularnaść prezidentki Mai Sandu pierakłałasia ŭ vysoki rejtynh jaje Partyi dziejańnia i salidarnaści.
Nasupierak šumnaj kampanii rasijskaj prapahandy, prarasijski Aljans «Armienija» eks-prezidenta Robierta Kačarana nabraŭ tolki 21% hałasoŭ na červieńskich vybarach u Armienii. «Hramadzianskaja damova» premjera Nikoła Pašyniana ŭpeŭniena pieramahła z 54% hałasoŭ, jakija dali jamu dźvie traciny hałasoŭ u parłamiencie.
Ciapier toj samy scenar paŭtarajecca ŭ Małdovie. Apytańni hramadskaj dumki prahnazujuć razhromnuju parazu prarasijskaj Partyi sacyjalistaŭ eks-prezidenta Ihara Dadona. Hetaja partyja kiruje Małdovaj, ale ciapier moža raźličvać tolki na 30% hałasoŭ.
Pavodle apytańniaŭ hramadskaj dumki, za prajeŭrapiejskuju Partyju dziejańnia i salidarnaści prezidentki Mai Sandu majuć namier hałasavać bolš za 50% małdavan. Kali raskład siłaŭ nie źmienicca, heta daść partyi mahčymaść adnaasobna sfarmiravać urad.
Vybary ŭ Małdovie adbuducca 11 lipienia.
49-hadovaja Maja Sandu pracavała ŭ Suśvietnym banku, a jaje palityčnaja karjera pačałasia z pasady ministra adukacyi Małdovy. U 2020 hodzie na prezidenckich vybarach jana ź vialikim adryvam pieramahła sacyjalista Ihara Dadona, jakomu sastupiła na vybarach 2016-ha. Baraćba z karupcyjaj i ekanamičny rost — voś dva asnoŭnyja punkty jaje prahramy.
3-miljonnaja Małdova, biez vychadu da mora i asłablenaja adryvam Prydniastroŭja, doŭhi čas była najbiadniejšaj krainaj Jeŭropy. Adnak u apošniaje dziesiacihodździe kraina pieražyvaje stabilny ekanamičny rost, zarobki ŭ krainie paraŭnalisia ź biełaruskimi, pa vakcynacyi nasielnictva ad kavidu jana abhaniaje Biełaruś. U krainie taksama adbyłosia adradžeńnie nacyjanalnaj movy, jakaja ciapier daminuje ŭ dziaržaŭnaj administracyi i pobycie. Ruchavikom ekanamičnaha rostu Małdovy stała susiedniaja Rumynija, jakaja paśla dałučeńnia da Jeŭrasajuza pieražyvaje sapraŭdny ekanamičny bum.