Błok supiernika Pašyniana abskardzić vyniki vybaraŭ u Kanstytucyjnym sudzie
Uznačaleny eks-prezidentam Robiertam Kačaranam pieradvybarčy błok «Armienija» nie pryznaŭ vyniki vybaraŭ u parłamient i maje namier źviarnucca ŭ Kanstytucyjny sud.
Pra heta paviedamiŭ pradstaŭnik błoka, kiraŭnik partyi «Adrodžanaja Armienija» Vahie Akapian armianskamu navinavamu sajtu «Faktinfo».
«Błok «Armienija» nie pryznaje vyniki vybaraŭ i maje namier źviarnucca ŭ KS u suviazi z vypadkami prymianieńnia z boku ŭładaŭ administracyjnaha resursu, masavaha nakiravanaha pryciahnieńnia vajskoŭcaŭ u vybarčyja pracesy», — skazaŭ palityk.
Daterminovyja parłamienckija vybary prajšli ŭ Armienii 20 červienia. Pavodle papiarednich vynikaŭ, partyja v. a. premjer-ministra Nikoła Pašyniana atrymała pieramohu, nabraŭšy 53,92%.
Błok Kačarana atrymaŭ 21,04% hałasoŭ.