Naŭsieda: ZŠA ŭśviedamlajuć imknieńnie Rasii ŭbudavać Biełaruś u svaju vajskovuju architekturu
Prezydent Litvy Hitanas Naŭsieda skazaŭ, što ZŠA ŭśviedamlajuć pahrozy, ź jakimi sutykajucca bałtyjskija dziaržavy, i viedajuć pra «štoraz bolš ahresiŭnuju pazycyju Rasiei i jaje imknieńnie ŭbudavać Biełaruś u rasiejskuju vajskovuju architekturu», piša «Radyjo Svaboda».
Naŭsieda takim čynam prakamentavaŭ sustreču Džo Bajdena ź liderami troch bałtyjskich krain u kuluarach samitu NATO.
«Sustreča była sapraŭdy važnaj dla krain Bałtyi, — dadaŭ Naŭsieda. — My pačuli zapeŭnivańni, što ZŠA ličać naš rehijon stratehična važnym dla Paŭnočnaatlantyčnaha aljansu, dzie nieabchodna ŭmacavać systemu strymlivańnia i abarony».
Na samicie NATO, jaki prajšoŭ 14 červienia ŭ Bruseli, čalcy aljansu, siarod inšaha, vykazali zakłapočanaść sytuacyjaj u Biełarusi i zaklikali biełaruski režym vyzvalić usich palitźniavolenych.