UEFA zapatrabavaŭ ad Ukrainy prybrać z formy zbornaj słohan «Hierojam słava», a «Słava Ukrainie» pakinuli
Sajuz jeŭrapiejskich futbolnych asacyjacyj (UEFA) praanalizavaŭ formu zbornaj Ukrainy na Jeŭra-2021 paśla zapytu z boku Rasijskaha futbolnaha sajuza.
UEFA abaviazaŭ prybrać z formy zbornaj Ukrainy na Jeŭra-2021 pryvitańnie «Hierojam słava». U im znajšli palityčny kantekst. Pra heta UEFA paviedamiła ŭ kamientary RBK-Ukraina.
Va UEFA zajavili, što pakinuli bieź źmienaŭ najaŭnaść na formie zbornaj Ukrainy karty Kryma, pakolki miežy dziaržavy z anieksavanym paŭvostravam pryznanyja AAN, a taksama pryvitańnie «Słava Ukrainie», jakoje było dazvolena jašče ŭ 2018 hodzie.
Pieršapačatkova pradstaŭniki arhanizacyi nie daśledavali pytańnie z kantekstam pryvitańnia ŭ adkaz «Hierojam słava» detalova, a paśla dadatkovaj pravierki nibyta vyjavili, što ŭ im jość palityčny padtekst, a taksama histaryčny i militaryscki sens. Z-za hetaha UEFA zapatrabavaŭ prybrać frazu z futbołak dla vystupleńniaŭ na Jeŭra-2021.
Fota z fejsbuka kiraŭnika UAF Andreja Paviełki
U kancy minułaha tydnia prezientavali novuju formu zbornaj Ukrainy na ČIE pa futbole, jaki startuje ŭ piatnicu. Na formie paznačany siłuet dziaržavy, jaki ŭklučaje ŭ siabie Krym, a taksama Danbas i Łuhanščynu. Słohany «Słava Ukrainie» i «Hierojam słava» byli raźmieščany na kaŭnieryku.